香港新浪網 MySinaBlog

其實已經食飽正餐,不過朋友個男朋友未食飯,咁我地身為好友當然陪佢地食啦. 好彩仲有另一位靚女一齊,咁我地就可以試多好多嘢喇!!! 呢度係好地戌,有附近工作嘅'女士',亦有吸煙人士. 不過都無損我地興致,食得十分開心. 另外阿姐十分親切,友善,服務好好!!

泰式生蝦刺身 $52 - 超鮮甜,蝦肉爽. 比起九龍城泰之家更好!!!!!!!!!!!!

 (閱讀全文)

某日去佐敦有事要辦,有少少肚餓就去附近元氣醫肚. 自從上次去完食過佢既$9件壽司,覺得水準唔錯之後,對元氣信心返番黎. 今次佢有新野出,當然要試試啦!! 果然都冇失望,唔錯!

呢個時令軍艦三味係另一日試過,都幾好. 反而係白魚最淡味,蝦同沙甸魚苗都好鮮味. 而且即叫即整,紫菜唔會腍.

 (閱讀全文)

有朋友介紹有隻女性潔膚用品叫Lactacyd. 起初唔知係乜東東,不過係佢blog果度有詳盡介紹. 睇完覺得要對自己好啲,用適合嘅產品可以令自己更健康. 係佢blog內唔止介紹佢產品,而且仲有其他方面嘅資料,仲有遊戲玩,可以贏大獎架. 而我亦參與其中,有幸成為佢Dining升級大師. 當中亦有幾位唔同方面嘅升級大師,Grooming, Fitting, Outing Shopping. 遊戲就係選出你心目中最愛升級大師,被選中就可以得到大師係佢blog介紹嘅飲食,美容等大獎.

講番我就近來工作都幾忙,日日做到冇停手,真係想放假. 不過公司人手實在唔夠,又點可以放假吖. 想對自己好啲對我嚟講就當然要食餐好架啦!! 前排有食友去過呢間喜來登酒店Oyster and Wine Bar食佢星期日嘅brunch話好正,但價錢唔平,不過佢又有任飲香檳,,白酒,又好似都唔錯咁,所以拉埋我一大班食友去大擦一餐. brunch係自助形式,亦有單點即做美食,總之見到就已經忍唔住立即去食喇!!

環境唔錯架,全維港景睇得清清楚楚.

 (閱讀全文)

胃食妹ET | 26-Jul-10 | 自家製作~好味呀! | (1311 Reads)

呢晚有個主題,就係有幾位食友都買咗啲靚煲,佢地提議可以一人整啲大家一齊食. 不過我地冇呢啲靚煲都照樣整啲嘢食過去襯熱鬧!!

地方一早已經佈置好 (閱讀全文)

壹碗麵老闆參加我地飯局已有一段時間,傾傾吓計先發覺原來我地有好幾個人都未食過佢嘅一碗麵. 係一個深夜,把酒言歡之際,老闆就話不如包場嚟食一餐啦!! 我地聽到就立即第二日即刻行動,一星期之內已經有三十人參加,果然吸力非凡!! 而且老闆冇菜單,我地都係去到先知食咩架! 不過我地對佢100%信心,絕對知道當晚一定會滿足而回. 果然不出我地所料,豐富得令各人驚嚇,仲驚喜連場!! 老闆絕對係對飲食好有心,以真誠對待食物及客人!!! 多謝哂!!!! 

有人去對見到麵店被人,包場失望而回.

 (閱讀全文)

去完北京酒樓本來已經係好飽,不過收到另一班係酒店中菜廳有飯局既食友打黎話想有下場,當時只係十點半,又係星期五,大家都好想盡慶. 而我地亦因為北京酒樓要收十點半,我地都要走,所以都答應同佢地一齊再去hea下. 地點選址係佐敦就番我地. 呢間沙記原來收四點,o岩哂我地啦. 食物水準十分好,一定要再黎試下其他野!!!

煎蓮藕餅 - 香脆又食到粒粒蓮藕,亦唔會油淋淋,唔錯.

 (閱讀全文)

又同地盤班好同事食飯. 今次揀左大件夾抵食既北京酒樓. 聽真係聽好耐,不過今次都係第一次去. 可能因為抵食關係,要分兩輪,6:30同8:30. 我地揀左8:30,唔使俾人催住走,但原來佢地收十點半,都唔可以坐太耐. 但食物真係好唔錯,我地叫一個六人餐,本來係約$710,改左兩味都只係$786,ok喎!! 另外服務都唔錯喎,唔似其他食評講到態度惡劣. 我覺得d阿叔都好好人,仲好細心添呀!! 其實你對人好,人地對你好o者!

水晶肉 (本來係雞絲粉皮) - 即係平時食既鎮江肴肉,但佢個樣就粗糙少少,不過都好好食架!!! 味道絕對一流!!

 (閱讀全文)

有事要辦要去紅磡走一趟. 正值中午時間要食飯,諗起好耐都冇嚟嘅越南亞呂. 呢間店之細係你第一次去一定會睇唔到而行過咗. 但即使佢店鋪細,但煮嘅食物用心. 老闆亞呂係虔誠基督徒,店內菜牌,牆上都有聖經金句. 而且當佢唔多客時都會俾啲福音單張你睇吓,真係有心. 食物,服務當然唔錯啦!! 唔係咁唔方便我一定會成日嚟架!!

酸辣牛肉湯河 - 略為偏甜湯底,酸酸地,少少辣,十分開胃,見到張相都想食. 牛肉半生熟,唔會太肥. 河粉亦十分滑溜. 如果唔係要留肚食小食,我一定已經飲哂碗湯架喇!!!

 (閱讀全文)

去完食泰菜,夠鐘就過返黎我地主場車品品. 車品品絕對係大角咀人氣小店,原因係佢有一個對食物好有堅持既老闆娘. 所有佢出品佢都希望做到盡善盡美. 不過就係因為咁,再加埋人手唔夠,去到落單後都會需要等耐d. 不過當你食過你就知等都係值得!!

有食友亦幫佢影相做一個靚靚menu.

 (閱讀全文)

食友搞個細局去車品品. 由於早到關係,同幾位靚女先去對面間泰國菜館食下小食先過去. 入到去舖仔細細,不過都已經有幾檯人. 仲有熟客開左紅酒飲緊. 食物唔錯,服務態度亦十分好,有機會要再去試多幾味.

生蝦刺身 - 蝦肉十分厚肉又爽甜,得! 同泰之家有得比!!

 (閱讀全文)

Next