香港新浪網 MySinaBlog

又有食友為我地搞飯局. 今次人少少只係兩圍. 地點係跑馬地,都係比較少去既地方. 呢間彭慶記係跑馬地都幾出名,都有好多名人去. 我地當晚亦見到久未露面既陳自強. 小店只有約十張細檯,入到去見到老闆彭先生,冇咩笑容,覺得佢又cool又串. 後來先發覺原來老闆係外冷內熱. 菜式好明顯好多都加大,但佢照收我地例牌價,而且本來每支一百蚊開瓶費佢最後完全冇收. 到我地離開時係門口歡送我地,真係好有心!!! 食物好有水準,而且唔貴,值得推介.

煎藕餅 - 煎得香口,味道唔錯. 佢係蓮藕粒加豬肉做成,如果蓮藕粒多少少會更加爽口.

 (閱讀全文)

本來只係食完飯跟食友車返屋企,點知佢好泊唔泊,泊正係大少爺隔離,我地班胃食怪梗係唔放過佢啦!! 五個人點咗一隻雞,兩個油飯. 雞的確唔錯,可惜飯仲有好遠距離先算合格. 隔開時遇見梅小慧,幾無品要我地讓佢泊車先. 但明明係應該佢讓我地出車先嘛!!! 唉,明星以為自己真係大哂!!!

入到去大少爺,除咗海南雞吸引外,牆上貼滿歌星,明星簽名海報支持大少爺. 有Twins.

 (閱讀全文)

之前去深圳一日遊只係介紹左晚餐,今次介紹埋午餐去飲茶. 呢間金悅軒好近車公廟站,十分方便. 而且上次去過亦記得質素唔錯,所以推介媽咪黎試試. 食物質素真係十分高,有香港酒店級水準,服務亦十分唔錯,好滿意既一餐.

蝦餃 - 有五粒,粒粒都精塋通透,蝦肉又爽又甜.

 (閱讀全文)

係深井眾多燒鵝飯店會選中佢作為飯局地點當然有原因,食完之後更加覺得食友真係安排得好好!! 我去過幾間有裕記,陳記都唔及能記燒鵝做得好. 而且炸物超好食,搞到我地要encore!! 今晚仲要係超值,只係百四蚊,咁抵食邊到搵?!!! 再一次多謝食友勞苦安排,極之滿意嘅飯局!!!

呢晚有五圍共62人,真係唔少嘢!!! 廚房一次過要準備咁多嘢都冇失水準,超掂!!!!

 (閱讀全文)

胃食妹終於跳出香港,去深圳品嚐美食喇. 多得食友安排,早為我係豫園訂咗卡位. 佢地卡位唔係我地果種卡位,其實即係間房咁上下意思,比較有privacy. 原來豫園真係幾出名,去洗手間時見牆上貼滿明星與廚師合照或單獨照片. 食物,服務及環境都十分好. 各人都極之滿意. 我地叫多咗嘢,真係飽到傻咗!!!!

前菜都好好食. 最前面係醉毛豆,另外有話梅粉車厘茄,最後係我鍾意嘅泡椒萵筍. 每款都好認真. (閱讀全文)

一個令人迷思嘅店名,以為佢係西式餐店. 點知佢係食泰國,越南,上海菜式嘅士多同埋坐街邊位.

六個人只有兩個人搵到正確位置,仲要其中一個坐的士. 仲有另外兩個坐的士嘅的士大佬都唔知新村街係邊. 我個的士大佬唔識路仲好似要賴我唔識教佢行,一怒之下叫佢放底我. 用我個2G電話上Smartone網竟然俾我搵到店舖電話,老闆好好人叫我係條街企係度等佢出嚟接我. 相信呢個動作佢做唔少.

至於食物方面,老闆推介佢媽咪嘅上海菜最唔得. 泰國菜其實唔錯,不過唔太突出,但以每人$130算唔錯喇. 反觀深水埗街邊泰菜比較出色!! 但老闆服務十分好,值得一讚. 而且佢住樓上,叫我地幾時走都得,幫佢閂燈閂門就可以. 哈哈!!!

生蝦刺身 $68 - 唔....ok啦,我會鍾意泰之家嘅多啲囉!

 (閱讀全文)

果然係朝中有人好辦事. 食友同老細相熟,食物質數,服務都十分好. 都希望佢地keep到啦!!!

牛頸脊 - 好有牛味!!!!!!!!!!!!!!!

 (閱讀全文)

我地食友中一班傾得埋嘅'笑女'有個每月聚會. 今次撞啱係我地最美麗嘅會長夫人生日,咁我地就順便為佢慶祝. 順德聯誼總會絕對係信心保證. 只可惜佢地一定十時半準時收工,所以最遲十點半要走. 但有好嘢食,咩嘢都唔緊要啦!!!

淮杞螺頭湯湯料 - 睇佢湯料十足,啖湯當然唔錯啦!!!

 (閱讀全文)

I-square同K11實在有太多新食店,要一一試過對我嚟講的確唔易,不過又貪新鮮,所以有機會都會盡量去試試. 呢日同媽咪去食 lunch. 十二點鬆啲去到都未有人. 店內十分寬敞而且都好大,有幾間獨立房間. 午市套餐有好多款式,而且價錢亦合理,新張其間有九折優惠. 侍應介紹佢地個浜海鮮魚生飯係招牌,有多款魚生,我冇特別喜好之下就揀咗呢個. 媽咪喜歡熟食多一啲,揀咗海鮮鐵板燒. 食物,服務都十分唔錯. 食完後見魚缸有兩條有趣嘅魚游游吓,睇緊之際,經理過嚟介紹條魚,係日本剝皮魚,好少有游水,只有呢兩個月有得食,佢話似立魚,不過肉質比佢甜,搞到我心思思都有興趣試試. 之後佢又介紹Miso都係佢地,話老闆想開另一類型日本餐廳試試.

先睇睇個招牌魚生飯幾豐富!!!!

 (閱讀全文)

呢晚wine dinner由全亞洲第一位Master of Wine Jeannie Cho Lee為我地配酒. 每位參與者仲可以得到Jeannie新出講飲講食書藉一本,原價US$98,而家免費,仲有Jeannie親筆簽名,好開心呀!!

Jeannie係美藉韓國人. 佢好fit,好靚. 都唔明佢又要飲,又要食,點解可以keep得咁fit嘅,真係羨慕!!

 (閱讀全文)

Next