香港新浪網 MySinaBlog

坐巴士好多時都有經過英記,名就聽得多,不過都未有機會去. 呢晚朋友話去打邊爐,有幾個選擇,竟然有英記,咁我好唔客氣問佢地介唔介意去英記試試. 上到去係似地戊式,好熱鬧. 不過第一件事令我反感就係朋友支靚酒俾佢拎去開爛左個水松塞,仲要唔出聽靜雞雞走去過濾d水松碎,我離遠見到,立即走去問咩事倒我d酒出黎,佢先至同我講件事. 咁如果係出事就應該立即話俾客人知啦,係我朋友唔介意咋. 如果比一般人一定同佢理論. 之後原來有另一個朋友識老闆,話俾d靚牛我地,仲話係鎖係夾萬架!!! 點知食落......好一般o者,邊有咁誇張呀!!! 再試多碟都係一般,有d失望. 整體食物好平凡,而且仲有d係差添,而且亦都唔平,相信唔會再黎喇!!

呢碟已經叫最好,不過食落冇牛味.

 (閱讀全文)

胃食妹ET | 29-Mar-10 | 自家製作~好味呀! | (1296 Reads)

近來好似少左食蟹,行過街市問事頭婆d奄仔蟹得唔得. 佢好有信心話梗係得啦,唔係都唔會剩咁少啦!! 見$80斤,就買左兩隻返屋企試下. 果然真係好得呀,而家咁快就係奄仔蟹季節喇咩?? 今次十分滿意又滿足!!!

呢隻d膏都幾爆架!!! 睇下黃得幾靚!!!!

 (閱讀全文)

胃食妹ET | 28-Mar-10 | 自家製作~好味呀! | (563 Reads)

平時極少去烹飪班,今次見個烹飪玨又抵又有我鍾意嘅食物,咁就報咗名去玩玩.

想睇吓點整就情大家請CLICK入去睇吓啦!!!


某日冇煮飯就去呢間試試. 自上次係舊舖試過一次麻麻之後,都冇咩意欲再去. 不過見佢搬左,唔知會唔會連廚都換埋就去駁一駁啦!! 整體都只算合格. 如果要選擇,我寧願去附近名樓好過.

蘿蔔牛腩 - 牛腩炆得好腍好入味都好好食. 可惜蘿蔔本身唔夠甜,而且唔係用牛腩汁炆,味道淡淡. 唔明點解唔可以放埋落牛腩度炆一陣都會入味丫,真係奇怪.

 (閱讀全文)

無心插柳柳成陰低下去咗呢間萬發食晚飯. 萬發本來係深水埗嘅其中一家有名大排檔,仲越開越多分店. 呢間新店剛開張,最有特色係透視廚房. 係街外望入去可以清清楚楚睇到廚房運作情況. 我剛行過時就見到佢燒緊隻乳豬仔! 但新開人手極之不足,而且新人對菜牌又唔熟悉,就係坐低成十五分鐘叫咗人都俾唔到茶同餐牌,有待改善. 食物抵食大件,絕對係大排檔式.

百花釀豆腐 - 雖然豆腐唔算滑,但件蝦膠都幾鮮甜. 好抵食呀,有八大件咁多呀!!

 (閱讀全文)

胃食妹ET | 23-Mar-10 | 自家製作~好味呀! | (845 Reads)

原因係有位酒友由日本訂左支酒,想同大家分享,搞搞下各人都話帶清酒,咁就變左個清酒局.

先睇睇靚靚刺身拼盤,由相熟日本料理點提供!

 (閱讀全文)

好同事要為美女廚神S補祝生日,一直約至今日先成事. 不過唔緊要啦,最重要係大家一齊食得開開心心嘛!!! 呢間煊記真係十分地戊. 而且入面啲人好似三山五嶽咁,好驚呀!!! 而且又勁嘈,又食煙,又粗口,真係有啲受不了. 食咗小菜都唔錯,心思思想試埋佢火鍋,不過咁嘅環境真係頂唔順. 後來搵探子去樓下睇睇,原來都ok喎,咁就係樓下開始打邊爐. 結論係小菜,火鍋都唔錯,服務亦好好,小菜火鍋食齊十分抵食都只係每人$250. 不過真係睇你好唔好彩坐邊度同身邊係咩人.

椒鹽豆腐 - 外脆內軟,有水準.

 (閱讀全文)

胃食妹ET | 20-Mar-10 | 無無聊聊 | (320 Reads)

胃食妹終於上Facebook喇!!!! 為咗希望同朋友仔,blogger有多啲聯繫,都係要用人氣交友平台Facebook最好. 以後我所發表嘅文章都一樣同時會係Facebook出現,等各位經常上Facebook嘅朋友add咗我之後就可以第一時間知道我有新post喇!!! 係左邊sidebar就有我Facebook資料喇,隨便add我啦!!!

不過唯一問題係我office hour就上唔到Facebook,所以各位係office hour同我溝通就要等到我返屋企先可以覆到你喇!!!

問我點解唔出部i-phone咪可以隨時上到Facebook囉.....但係如果咁我估我24小時都會上Facebook,好快會俾人炒魷魚喇!!! 哈哈哈!!!


某日放假,去探姨甥仔,姨甥女,帶佢地去飲茶. 佢地爺爺都有嚟,四個大人加兩個BB. 佢地係BB,當然食唔到幾多嘢,不過少少地都可以俾佢地食啲嘅,哈哈!!

西洋菜燉雞腳湯 - 只係收大點價錢,但質素好好,好夠火路,出哂味,好甜呀!!

 (閱讀全文)

上次去完國金軒出咗相簿之後,好多食友有興趣. 而我一向都喜歡將好嘢介紹俾朋友,所以今次亦特地安排佢地一試. 特別特別要鳴謝食友W嘅幫忙,為我地安排菜式,最後仲特登嚟幫我地埋單,的確感激萬分. 國金軒到今日仲保持到水準,希望佢繼續努力. 我地一定會再去. 當然如佢地所講亦努力為客人爭取免開瓶都十分重要環境好好,而且人唔多. (閱讀全文)

Next