香港新浪網 MySinaBlog
胃食妹ET | 29-Sep-09 | 自家製作~好味呀! | (549 Reads)

身邊實在有太多美女廚神. 今日有幸有得試食Susan整嘅冰皮月餅,真係好開心呀!! 呢個係我今年食第一個月餅,所以特別有意思.

包裝十分精美

 (閱讀全文)

好同事約我食lunch,當然無選擇底下又去板前啦. 今次佢想散叫,食佢鍾意食嘅壽司. 其實佢叫嘅有好多我都唔會叫,所以今次同佢食就可以試吓其他款式.

响螺,和牛 - 响螺就真係從來都未係板前食過. 原來呢個十分正,極之爽口又鮮甜,似厚切象拔蚌. 和牛就反而一般,因為太肥,而且仲係一舊肥膏,未解凍咁. 其實火炙一吓應該會好少少.

 (閱讀全文)

一直都想嚟試吓佢啲扒,原來有食友都有興趣,咁我地幾個就約埋一齊五人小局. 招呼我地係一個尼泊爾年青男侍應. 佢唔靚仔,不過我被佢一口北美口音深深吸引. 佢服務細心又風趣,就係呢樣已經加分. 本來有個叫menu presentation,係侍應將一盤唔同部位嘅生扒攞到我地面前講解俾我地知. 不過我地都冇需要佢講解就立即落單. 我地叫三款都係美國牛扒. 三款質素,煮功都十分好. 睇番OR有好多劣評都有點意外. 可能係咁,大家更加覺得十分驚喜!! 最後我地瘋狂地叫咗五個甜品,連我都有興趣試就當然唔錯啦!!!

不過原來Morton's唔係Sheraton旗下餐廳,所以我嘅Sheraton卡係冇discount. 但以咁嘅質素,冇discount都值得再嚟!!!!

最後大家要忍耐我呢輯咁恐怖嘅相. 由於環境太暗,我部機又太差,所以真係冇得救. 已經好努力執過,起碼都叫睇到個樣. 因為實在太正,唔可以唔介紹俾大家. 不過大家要留意因為呢間係美國餐廳,全部餸菜都係超巨型size,所以千萬唔好點太多呀!!

大家先睇吓呢塊 New York Strip 幾吸引!!! 越多血我越鍾意!! 不過奇怪地我係唔可以睇血淋淋嘅恐怖片架!!!

 (閱讀全文)

海景軒已經係我最愛餐廳首選. 每逢有喜慶都會帶朋友,家人嚟食飯. 呢晚有親戚由外地返港探親,我都係第一時間諗起帶佢地嚟呢度食飯. 主廚梁師傅已經係我facebook friend,佢都經常睇我貼相,大家都有係飲食方面有交流. 梁師傅十分親切,每次我地去食飯都會親自出嚟招呼,再為我地整個生磨蛋白杏仁露. 而家係梁師傅facebook friends仲有七五折優惠,真係好抵食!!!

玫瑰花燻帶子 - 極香燻味,帶子剛熟,爽口鮮甜.

 (閱讀全文)

上篇講到去上環食乳豬,其實當晚都有食埋泰國嘢. 果度係熟食中心,有好多小店,我地就睇中呢間泰國舖,好似唔錯. 果然食落真係好正!! 木佬果邊連呢間泰菜,每人一共食咗只係$160,真係好抵食. 呢間泰之家質素真係唔錯,好食到要打包. 仲有好友外賣多個木瓜沙律請我食,好感動呀!!!!

冬陰公 - 酸辣度配合得好,又唔太重椰汁,而且用料好多,水準之上!!

 (閱讀全文)

由食友第一次post呢隻乳豬係facebook已經愛上佢. 可能最主要係佢只賣$208!! 有一隻三斤乳豬已經係好吸引嘅原因. 食過之後更加覺得好好食,又抵食. 所以食友搞局,等我地再試埋佢乳豬外其他美食. 果然有驚喜!! 每款食物係水準之上,但價位係一般以下. 地點係市政大樓內,當然冇環境可言,但有美食我地都唔介意地點. 其實當晚仲有食埋隔離泰菜,下一篇再介紹!

不過而家佢唔做午市. 所以呢啲碟頭飯都只有晚上先有.

 (閱讀全文)

假日同一班舊同事食飯. 當中有兩位孕婦,所以地點要適中,食物要比較正常,即係唔好辣,熱氣之類. 所以最終揀咗呢度. 上次嚟人少少,食物唔錯. 雖然上次主要食四川菜,不過相信佢個廚都應該ok. 所以今次嚟試吓佢粵菜. 可能近來佢廣告做多咗,全店爆滿,仲有人等位添. 原因無他,因為佢好食又抵食嘛. 我地七個人,用咗上次一百蚊coupon,每人都只係一百蚊,真係平到笑!!!! 就算冇coupon每人都係一百頭,有咁多嘢食唔錯啦!!!

五福臨門 - 小食拼盤只係$48. 好豐富,配辣汁亦美味.

 (閱讀全文)

公司一年一度又搞同樂日. 今次依舊有麻雀比賽,有檯波,啤牌. 當中就當然係麻雀比賽最擁躍啦!! 玩完就係番佢地中菜廳有餐食. 我老闆仲好好咁請番我地組所有同事食呢餐添!! 呢個會所嘅餐廳係對外開放,食物都唔錯,不過我就唔知幾多錢喇. 相信都會係十分相宜.

戰況激烈!

 (閱讀全文)

港式日本料理但免開瓶,仲要九點前七折,九點後半價,有獨立房間,唔錯啦!!! 六個人食咗咁多嘢都只係每人二百幾,都幾抵喇!! 雖然唔會好有驚喜,質素都合格啦!! 不過我都係鍾意味一番多啲!! 有兩位靚仔陪我飲酒嘛!! 嘻嘻!!

秋刀魚,梭子魚刺身,先吸引吓大家食慾!!

 (閱讀全文)

今日同老死去飲下午茶. 不過我已經事先聲明唔食甜嘢. 咁就搞到佢都唔知帶我去邊度好. 我地行行吓見到千兩,門口仲大大張poster係有秋刀魚....咁我.....仲唔衝入去!!!! 其實我都係第一次去千兩,原來環境唔錯,卡位好闊落,好舒服. 好休閒咁就過咗一個下午.

鮪三味 - 三個吞拿魚唔同部位. 不過好奇怪點鮮最尾果件有斑點嘅??

 (閱讀全文)

Next