香港新浪網 MySinaBlog
胃食妹ET | 31-Aug-09 | 自家製作~好味呀! | (1060 Reads)

同一班少見嘅食友聚會. 以往我地會幾個一齊玩吓橋牌,都幾開心架!!! 不過而家各有各忙,都已經冇一齊玩橋牌好耐喇! 知道今日係美女廚神屋企有聚會,佢一定會為我地煮好多美食. 但自從佢烹飪比賽得獎後都忙著招呼朋友試佢得獎菜,所以為免佢煮得辛苦,我提議買隻乳豬可以順使賀賀佢.

就咁橋早幾日有食友試過上環木佬乳豬好似唔錯,而且係超值價$208一隻,所以就一早訂定攞去廚神屋企. 仲要多得有猛男'阻住'幫手拎去. 真係唔該哂!!!

 (閱讀全文)

胃食妹ET | 31-Aug-09 | 自家製作~好味呀! | (4752 Reads)

去到街市,好自然又走去蟹檔睇吓. 今日有$68斤肉蟹同$72斤奄仔. 上次食咗奄仔,今次想食肉蟹. 本來要咗兩隻肉蟹,點知呀姐係都要我地試吓奄仔. 係半推半就情況底下,就一百蚊三隻蟹. 個衰鬼啲蟹又幾得喎!! 滿意,滿意!!

三色椒炒肉絲 - 冇難度,不過炒出嚟啲顏色好靚,食都食得開心啲!!

 (閱讀全文)

胃食妹ET | 27-Aug-09 | 飲飲食食 - 灣仔 | (738 Reads)

酒友安排飯局. 由於每次都食中菜,今次我地提議食日本菜,所以酒友亦好樂意安排去一間佢相熟嘅日本餐廳. 呢次係定價寫菜,就可以一早安排唔使到時先睇餐牌叫. 呢個亦都係我地喜歡做嘅形式,亦可以對價錢有預算,唔會到時超標.

天勝有日本師傅坐陣,而且都唔少日本食客.

 (閱讀全文)

胃食妹ET | 26-Aug-09 | 飲飲食食 - 大圍 | (1205 Reads)

去過生昌好多次,每次都對佢嘅雞煲翅念念不忘. 呢日媽咪洗禮,妹妹又一家大細,就諗起可以帶佢地去生昌試吓個雞煲翅,旁邊就有停車場好方便.

六點已經去到,都係小貓三四隻. 所以上菜速度極快. 五個人叫咗八碟菜 (咦,唔知影漏邊碟呢?!),當然食唔哂要包走啦. 各人都滿足而回.

鹽焗烏頭 - 夠黃油,好香魚味,唔使點豆醬都好好食!!! (閱讀全文)

胃食妹ET | 25-Aug-09 | 飲飲食食 - 長沙灣 | (763 Reads)

今日同老朋友食飯. 佢話要早啲食趕返屋企追劇集. 佢住長沙灣,所以我都盡量搵間近佢屋企. 無意間俾我發現呢間係Openrice標明由唐氏宗合症、輕度弱智、有限智商的精神康復者樓面、清洗. 而亦話個廚係酒店出身. 見食評都ok咁就去試吓.

餐廳內係簡單裝修,有一位唐氏宗合症侍應,其他就睇唔出有咩唔同. 食物只屬合格水準,但可以支持康復者重投社會,都值得一試. 其間見另一檯有兩位女仕低頭在開聲謝飯禱告,侍應見狀,默默等兩位祈禱後先將湯放下. 呢刻令我好感動呀!!

透明膠版貼有客人支持語句.

 (閱讀全文)

胃食妹ET | 24-Aug-09 | 飲飲食食 - 銅鑼灣 | (995 Reads)

某個週末要到銅鑼灣捧美女廚神場參加烹飪比賽. 去前先醫肚. 本來想試大戶屋,點知原來兩個人冇得訂位,但又好多人排隊. 最後都只好落下一層魚一丁.

原來呢間魚一丁比尖沙咀點更有東瀛味. 環境雅致.

 (閱讀全文)

胃食妹ET | 22-Aug-09 | 飲飲食食 - 旺角 | (933 Reads)

食友認識譚魚頭高層,已經請佢為我地安排幾次超值食局. 上次去尖沙咀店點十分滿意,今次就麻麻喇. 雖然都係同一位師傅,但今次啲菜式有啲令人失望. 不過以$220食呢餐都係好超值嘅!

孔雀迎賓 - 造型漂亮,有豬耳,豬脷,八爪魚,皮蛋. 味道可以,並不太特別.

 (閱讀全文)

胃食妹ET | 21-Aug-09 | 飲飲食食 - 大角咀 | (580 Reads)

某日同食友去唱K,原本佢地話上次好抵,$1一個餐,$90唱成晚,所以咁抵叫我地一齊去益吓我地. 點知今次去冇哂優惠,要$128一位任唱,任飲,但食物就只有小菜套餐$42包湯包飯. 睇落其實都唔貴,不過聽完佢地講之前咁平就覺得佢貴. 所以最後我地只係叫小食. Pierce Chicken 係中環有店舖,而家銅鑼灣都新開另一間. 佢賣點係炸雞冇反式脂肪,所以要好食又要健康嘅朋友不妨一試!! 

Popcorn Style Chicken - 肉粒十分juicy,唔鞋又唔乾,好食呀!! 而且細細粒,唔覺唔覺都可以食好多架!!

 (閱讀全文)

胃食妹ET | 19-Aug-09 | 飲飲食食 - 銅鑼灣 | (522 Reads)

知道千里之月搞wine dinner,當然立即報名啦. 因為有酒有菜以佢開嘅價值實在超值,而且我地同師傅咁熟,一定有著數嘢. 佢今次搞wine dinner主要因為佢地近來改革,請多咗侍酒師同唎酒師,所以就呢次機會介紹吓. 食物詳情今次唔介紹喇,因為一睇個樣都已經知道有幾好食!!!

是晚wine dinner嘅酒.

 (閱讀全文)

胃食妹ET | 17-Aug-09 | 飲飲食食 - 銅鑼灣 | (1703 Reads)

呢次飯局係由美女廚神安排. 共有六圍,廚神仲親力親為,去寫菜,試菜,十分認真. 店方亦好認真係門前設名牌為'莎莉西苑之夜',真係識做!!

 

 (閱讀全文)

Next