香港新浪網 MySinaBlog
胃食妹ET | 30-Jun-09 | 飲飲食食 - 中環 | (527 Reads)

多謝食友推介有個清酒工作坊. 幾有趣,亦可以知多少少有關清酒知識. 今次主要介紹真澄四款清酒,$180有飲有食,都實在係一個唔錯嘅週末節目. 最抵仲要係手持收據,可以係兩星期內到真串店內享用真澄清酒一支照價減$180.

是日試飲呢四款真澄清酒

 (閱讀全文)

胃食妹ET | 29-Jun-09 | 飲飲食食 - 尖沙咀 | (714 Reads)

同另一班舊同學聚會,選地方食飯都係我職責. 最簡單就係去相熟餐廳,因為招呼,食物一定有信心保証. 正如今次味一番一樣,每一次都令我同我朋友同樣咁滿意. 預早寫好菜單,因為各人口味唔同,今次菜單要大改,改後完全冇問題,照足我要求,抵讚!!

先有前菜四小碟 - 辣芽菜,帶子裙邊,芥末魷魚鬚,熟魚春.

 (閱讀全文)

胃食妹ET | 29-Jun-09 | 自家製作~好味呀! | (555 Reads)

靚女食友相約粉紅約會,全粉紅色佈置,又香艷,又浪漫. 再加上美酒佳餚,傾心吐意嘅一夜,叫人難忘. 多謝靚女食友精心安排. 期待下集再續.

粉紅佈置,夠哂浪漫

 (閱讀全文)

胃食妹ET | 26-Jun-09 | 飲飲食食 - 尖沙咀 | (731 Reads)

同一班舊同學食飯. 佢地未試過呢隻咁好食嘅乳豬,今當然要帶佢地嚟試試啦! 食完個個讚不絕口. 呢隻乳豬絕對可以令你每一個朋友都咁滿意!!

 

彩圖兩味蝦球 - 一邊沙律醬,一邊甜酸醬,蝦球亦夠彈牙. 招牌菜包保冇失拖!!

 (閱讀全文)

胃食妹ET | 25-Jun-09 | 飲飲食食 - 灣仔 | (477 Reads)

好同事念念不忘上次帶佢去食四川菜,不停叫我要搞一次多啲人去試多啲嘢. 結果我拉大隊四同事,兩食友去食辣,一齊瘋狂一吓!! 七人行共可以叫四前菜,六主菜. 今次必定每碟都辣,要過足辣癮為止!!

川椒皮蛋 - 皮蛋冇溏心,有少少失望. 川椒醬偏甜,唔太辣,呢味一般.

 (閱讀全文)

胃食妹ET | 24-Jun-09 | 零食~我愛你 | (444 Reads)

同事買咗一大包獨立包裝嘅日本零食. 試食一包已經眼發光. 香脆花生加上鹹香蝦乾仔,仲有辣椒碎粒同乾蔥粒,好完美嘅配搭,真係好好食!! 由原價二十幾蚊減到十二蚊,一大袋入邊起碼有二十幾包,好抵食呀!! 唔知而家TASTE做完特價未呢?emotion


胃食妹ET | 23-Jun-09 | 自家製作~好味呀! | (1144 Reads)

今晚係屋企簡簡單單煮吓飯仔. 不過天氣咁熱都唔想搞咁多嘢. 最終只係煲咗個魚湯,蒸貴妃蚌同食糭. 但係煲魚湯嘅過程真係唔講得笑,係熱到顛咗!! 因為開住爐頭明火去煲,開住風扇都冇用. 結果大汗疊細汗咁煲咗個鮮甜紅三魚合掌瓜魚湯. 好彩都幾好飲,唔係就浪費我一番心血喇!!!

行過街市見有$28斤貴妃蚌. 咁平忍唔住都要買嚟試試. 返到屋企先放入雪櫃. 三個鐘後,到煮時攞出嚟洗仲會郁,好新鮮. 本來都係想粉絲蒜蓉蒸,不過原來冇粉絲,好失望. 下次一定要入定貨先!! 好明顯一邊多蒜蓉,一邊少啲就當然係我媽咪架啦!!

 (閱讀全文)

胃食妹ET | 22-Jun-09 | 飲飲食食 - 尖沙咀 | (532 Reads)

係鳥魚花食得好唔滿意,再加上十二點就收. 我地有兩支酒飲唔哂,只好轉場. 係山林道又點可以唔諗起味一番呢!!!
去到見到老闆兩兄弟好似見到老朋友咁,好開心!! 知道廚房未收,叫少少小食送酒. 兩位哥仔都好客氣陪我地飲酒,傾計. 當然亦少不免送小食,請飲酒. 真係多謝哂!! 開心哂!!

炸蠔 - 壽星妹想食炸蠔,亦知道味一番做得唔錯. 當然要叫俾佢食啦!! 依然鬆脆,蠔亦夠肥美,冇令我地失望.

 (閱讀全文)

胃食妹ET | 21-Jun-09 | 飲飲食食 - 尖沙咀 | (501 Reads)

以往經常去山林道搵食,連最入嘅潮州名廚都去過,係偏偏冇留意呢間日本料理. 呢日去做facial,碰啱facial妹妹快要生日,同佢預先講好做完facial去同佢慶祝生日. 佢見識得呢度個廚,所以諗住近近地,又或者有著數就book咗呢間.
鳥魚花其實係砂煲嘅分店,主打料理而唔係砂煲做火鍋. 不過由於人太少,食物流量唔夠快,新鮮極有限. 整體食物真係好一般,再加埋個價位....應該冇下次.

刺身拼盤 - 廚師朋友不停介紹食呢個刺身拼盤抵. 我地研究完餐牌明白係因為單點每款刺身都差不多要一百蚊. 不過赤貝只得個爽字,完全冇鮮味,當然係雪到冇哂味啦. 個三文魚子又係雪到咬落去黐牙,而且有硬粒係入面. 海膽又係一啲鮮味都冇. 吞拿魚又係冇味. 只係個帶子同甜蝦叫好少少.

 (閱讀全文)

今日去探探食友V新居. 由碼頭話就話行十五分鐘,但果十五分鐘真係好難挨!! 原來要上山,斜路,梯級,認真唔少嘢!! 好佩服食友V每日都係咁行上行落. 我地上到去全身盡濕,好口渴,好想飲啲凍嘢. 原來細心嘅食友V一早已經預備咗紅豆糕同紅豆冰俾我地,簡直感動不己!!! 而且係好好食. 紅豆軟硬適中,甜度對我嚟講都唔錯. 當然一整杯飲哂!! 立即身心涼快. 我地仲要又食又拎!!
之後食友V已經安排好我地去大興食海鮮. 呢間小店都好特別,係一定要預定,亦唔做walk-in客. 因為佢要安排最新鮮俾客人,真係好有心. 以每人$350嚟講簡直係超值!! 老闆昌哥亦好樂意同我分享佢飲食經驗. 令我地增添唔少樂趣!!!

陳皮蒸鮑魚

 (閱讀全文)

Next