香港新浪網 MySinaBlog
胃食妹ET | 27-Dec-08 | 飲飲食食 - 尖沙咀 | (936 Reads)

見食友上次嘅照片十分吸引,剛巧今日有事要請半天假,辦完事就同家人嚟試試. 老實講以呢個價錢,有呢個質素的確唔錯. 相比又一城,係尖沙咀真係搵食有好多選擇.

環境唔錯

 (閱讀全文)

胃食妹ET | 26-Dec-08 | 飲飲食食 | (849 Reads)

每年都例牌聖誕節係屋企整一餐叫家人,親戚一齊相聚. 今年一早去TASTE想訂八至十磅火雞,但都係冇貨. 所以只好訂煙燻火雞. 雖然冇咗火雞原有味道,但有煙燻味都唔錯,而且肉質嫩滑. 不過溶雪都搞好耐. 但我始終都係鍾意自己整急凍火雞.

十三磅煙燻火雞

 (閱讀全文)

胃食妹ET | 26-Dec-08 | 飲飲食食 - 新蒲崗 | (1691 Reads)

今年食友聖誕聚會反傳統,嚟個食中式懷舊菜慶祝聖誕. 係得龍有幾樣必食名物,就係金錢雞,鴨腳包,砵酒焗蠔同太爺雞. 不過今次冇得食鴨腳包有少少唔開心,因為真係好好食架. 反而金錢雞我就怕怕佢件厚厚肥豬肉. 搞手仲玩埋交換禮物,大家都好開心,又食又拎!! 我地有五圍咁多人,真係好熱鬧呀!!

砵酒焗美國桶蠔

 (閱讀全文)

胃食妹ET | 20-Dec-08 | 飲飲食食 - 尖沙咀 | (1143 Reads)

呢日又同靚女食友撐檯腳,佢建議食日式燒肉,而呢樣又係我比較少食,有機會當然會想再試吓啦!!! 果然係美味,十分滿足!!!

有多款肉類可供選擇. 以地區,不同部位而分別.

 (閱讀全文)

胃食妹ET | 20-Dec-08 | 飲飲食食 | (1511 Reads)

要各位blog友久等我一星期先出新post真係唔好意思. 今次要介紹係夏麵館. 呢家夏麵館同圓方果家唔同,呢家係上海總部直營,主力做涼菜及主菜,反而唔係麵點. 專業食友對呢家上海菜十分有好感,我地當然又要拉衫尾嚟試試啦. 再加上一個小小surprise幫另一食友補祝生日. 佢開心,我地都開心,一個好滿足嘅晚上!!

上海肴蹄 - 非肴肉,而係少見用圓片薄切肉做紮蹄片

 (閱讀全文)

胃食妹ET | 05-Dec-08 | 飲飲食食 | (698 Reads)

萬眾期待嘅米芝蓮指南聽日就出版喇!! 未出版之前嘅發報會已經公佈咗一系列被列為星級食肆,可惜結果強差人意. 似乎都係以貴價為標準,而且所謂專業食家組成試食團都係外國人居多,口味自然係合外國人多啲. 不過拍南內亦有其他米芝蓮推介食肆,有興趣都可以買本睇吓.

以下列出各星級食肆:

香港星級餐廳
三星(代表出類拔萃,值得專程到訪)
龍景軒

二星(代表傑出美食,值得繞道前往)
Amber
Bo Innovation
Caprice
L’Atelier de Joel Robuchon
香宮
夏宮
唐閣

一星(代表同類別中出眾的餐廳)
福臨門(灣仔)
富臨飯店
胡同
利苑酒家(國際金融中心)
利苑酒家(尖沙咀)
明閣
珀翠餐廳
Pierre
富豪金殿
紫玉蘭
金葉庭
翠玉軒
桃花源小廚
鏞記酒家

澳門星級餐廳
三星
Robuchon a Galera

二星
桃花源小廚

一星
金殿堂中餐廳
8餐廳
東怡軒
帝影樓


胃食妹ET | 03-Dec-08 | 飲飲食食 - 佐敦 | (992 Reads)

做完facial,例牌同facial妹妹去食飯. 今次佢提議好抵食泰國菜. 果然大件夾抵食,仲唔收加一. 雖然今晚冇飲酒,不過電視送飯都唔錯. 因為太抵食,今次例外post價錢俾大家參考.

酸辣鳳爪 $30 - 竟然都幾辣. 不過鳳爪就未太入味. 相比都係金杯好.

 (閱讀全文)

胃食妹ET | 03-Dec-08 | 飲飲食食 - 屯門 | (974 Reads)

妹妹生日,為咗就佢方便,又帶埋BB嚟,所以選擇係屯門食. 上次去過肇順名滙,今次就試吓另一間. OR食評好似麻麻,不過食物同服務都好唔錯. 係肥膩少少,味道都唔錯,而且仲有78折,直係抵爆!!! 食完仲要送coupon俾你,市道真係差成咁.

下欄小食兩碟麻辣豬耳花生,味道唔錯.

 (閱讀全文)

胃食妹ET | 03-Dec-08 | 飲飲食食 - 尖沙咀 | (1390 Reads)

資深酒友搞飯局,今次有紅酒主題,係法國Margaux區酒. 對於酒,我都只係識皮毛,而呢班酒友就對法國紅酒認識好深,我地同佢地一齊食飯,飲酒真係得益不少.

酒友與美心集團高層相熟,所以飯局都經常係美心集團旗下酒樓舉行. 而菜單亦會每次預早安排好,又係坐底就有得食,真好.

鹵水豬仔腳 - 鹵水味中有酒香,肉質腍滑,好好食呀!!

 (閱讀全文)

胃食妹ET | 03-Dec-08 | 飲飲食食 - 尖沙咀 | (1492 Reads)

媽咪大壽,本想為佢搞大啲,點知佢都係想簡簡單單一家人食. 佢有咁嘅要求當然要順從佢啦. 所以唔大搞都要搵個好地方同佢食. 上次跟食友去過海景軒食,大家都係一食鍾情,紛紛要搞手搞多次. 而我都唔例外,覺得佢無論食物質素,外觀都甚得我心. 當然就要同家人嚟試試啦.

先叫食友同主廚梁師傅安排代寫菜單,各樣安排妥當後去到就有得食.

連醬料都放得精緻過人.

 (閱讀全文)

Next