香港新浪網 MySinaBlog
胃食妹ET | 23-Nov-08 | 飲飲食食 - 九龍灣 | (980 Reads)

差不多係每年例牌大閘蟹聚會,多謝食友安排飯局, 亦安排到我喜愛嘅原隻北寄貝,好感動呀!! 兩隻大閘蟹亦十分爆膏!! 不過美中不足就係走果陣打爛樽酒. 好可惜!

原隻北寄貝刺身 - 原隻有腸更鮮甜!!

 (閱讀全文)

胃食妹ET | 23-Nov-08 | 飲飲食食 - 九龍城 | (1451 Reads)

聽老細講過呢間火鍋店唔錯,又幾抵食. 但當時已經係天氣開始熱,冇咩意慾再去打邊爐. 所以呢間店一直記住佢到而家,天氣涼少少,第一間就立即試試佢. 果然唔錯,材料各樣都新鮮,尤其手切牛一大碟都只係$138,又有牛味,好好食呀!!!!

四個女仔,三支酒,成檯食物,都幾嚇人!! 不過今晚大家都坦蕩蕩,咩都講一餐,真係好開心呀!!!!

田雞 - 好大隻,唔錯!

 (閱讀全文)

胃食妹ET | 23-Nov-08 | 飲飲食食 - 中環 | (708 Reads)

多謝食友安排先可以食到呢個法國名菜馬賽海龍皇湯bouillabaisse. 本身對西菜唔太喜好,不過有機會,有人安排都會試試. 今晚試過呢個海龍皇湯一定要同朋友推介. 呢個湯係用咗鮮蝦,青口,海蠍魚,海鰻,沙甸等等八、九款材料由法國直接空運來港炮製.

冇錯,呢個湯就係我地今晚主菜. 因為湯係任添,而湯料亦係任食. 飲完個湯嘅滿足係非筆墨可以形容!! 再一次多謝食友為我地安排!!!

p.s. 醒唔起ISO教大啲,搞到啲相執完都仲好樣衰. 係尾果幾張教番1600就好啲!! 失敗!

今晚包場

 (閱讀全文)

胃食妹ET | 16-Nov-08 | 飲飲食食 | (1049 Reads)

一直都好想食福建小食土荀凍,但做嘅地方唔多. 今次嚟土瓜灣呢間隱世福建小店都係碰碰運氣. 阿姐竟然話今日返貨,真係好開心呀!! 所以一碟唔夠再要追加.

土荀凍

 (閱讀全文)

胃食妹ET | 16-Nov-08 | 飲飲食食 - 尖沙咀 | (594 Reads)

Harbour Grill不定時會同酒商合作搞wine dinner,不過由於地方唔太大,多數都係by invitation. 好有幸我靚女食友都係佢地熟客之一,所以有wine dinner都一定通知佢. 今次啲酒十分唔錯,質素好好,可惜酒莊冇供應當晚嘅酒係香港賣.

先有welcome drink 係 rose champagne.

 (閱讀全文)

胃食妹ET | 15-Nov-08 | 飲飲食食 - 尖沙咀 | (1013 Reads)

今次終於出席到lunch局. 星期六要早起身去食飯係有啲辛苦,不過為咗食....早啲十一點起身啦!! 哈哈!!
我地有間向海大房,環境唔錯,不過啲師傅仔就真係生手少少. 大家都一致認為花盃好好多.
無論如何都多謝食友邀請. 星期六同班食友食吓午飯都真係幾悠閒.

最喜歡呢幾隻蝦嘅造型,做cover一定吸引好多人入嚟睇,哈哈!!

 (閱讀全文)

胃食妹ET | 15-Nov-08 | 飲飲食食 | (707 Reads)

身邊好友對我真係好,大家都知我鍾意食辣,幾餐生日飯都係以辣為主. 今晚都唔例外.
重慶來嘅靚靚姑娘開咗呢間唔起眼嘅小店. 老實果句,同聯記川王絕對有得fight!!! 起碼佢有冷氣,有位坐. 而且亦有唔同類型嘅辣味!!! 極之滿意!! 多謝哂!!!

泡椒肥腸 - 腸夠肥,不過泡椒辣味不及麻辣味.

 (閱讀全文)

胃食妹ET | 15-Nov-08 | 飲飲食食 - 尖沙咀 | (1638 Reads)

透過呂小姐認識馬先生. 可能因大家都係同行關係都幾投契. 馬先生知道我生日,好客氣要請我食生日飯,實在驚喜!!!
今晚食得好開心,有時人少少感覺更加良好!!! 多謝哂!!!

麵包蟹 - 多膏之選,正到爆!!

 (閱讀全文)

胃食妹ET | 09-Nov-08 | 飲飲食食 - 中環 | (1905 Reads)

多謝美女廚神及唔食辣嘅食友為我安排生日辣局. 每一道菜都令人有驚喜!! 尤其桂魚豆腐腦好食到一食完已經立即想encore!!! 多謝靚女食友特別用心造嘅靚靚士多啤梨蛋糕,好好食,唔太甜!! 多謝幾位唔太食辣嘅好友都出席!! 實在高興嘅一晚!!!

先睇睇全晚我最欣賞嘅桂魚豆腐腦,極滑!!

 (閱讀全文)

胃食妹ET | 09-Nov-08 | 飲飲食食 - 九龍塘 | (816 Reads)

另一組嘅同事請食飯. 係又一城已經唔知仲可以去邊,前幾日去完雪村,今次去市川. 佢個魚生粒粒飯真係餸多過飯,其實我就唔太鍾意粒粒,好似係切埋啲頭頭尾尾俾你. 不過lunch set真係冇咩選擇,又唔想同事使錢,想食魚生就只好叫呢個.

我呢個同事因為係地盤好耐,返嚟office要重新適應,又唔識新同事,所以一,兩個星期就會同我食一次午飯. 佢係唔多識食同唔喜歡食嘅一類人,不過佢好易滿足. 我同佢去板前食個壽司冷烏冬套餐佢已經好開心. 而且佢好鍾意個腍pet pet嘅烏冬,話好好食. 我見到佢咁開心,都覺得其實要求唔高的話,個人真係開心好多.

魚生粒粒飯定食

 (閱讀全文)

Next