胃食妹日誌

金源小館 - 灣仔

胃食妹ET | 23-Nov-09, 1:02 PM | 飲飲食食 - 灣仔 | (357 Reads)

係龍門食完,有點意猶未盡,仲可以食多少少. 巧合地有其他食友都有同感. 本來係返屋企條路,打個電話俾另一位食友,果然佢地原來已經坐底係金源小館食緊. 我地立即九秒九飛去.

原來金源比較出名食甜品,不過佢個山東燒雞都幾出名. 叫咗幾個小菜,都已經差不多夠. 再叫幾個甜品都好滿足!! 當然每款甜品我只係食一啖啦!! 佢個榴槤布甸果然好食,仲買多個俾媽咪試吓添!!

山東燒雞 - 雞肉嫩滑,我最愛蒜香強勁!!!!

(閱讀全文)

留言(1) | 引用(0)

龍門大酒樓 - 灣仔

胃食妹ET | 20-Nov-09, 1:03 PM | 飲飲食食 - 灣仔 | (401 Reads)

以前住灣仔都有嚟過飲茶,搬咗過九龍後就少去. 最記得年初一拜年會去呢度飲茶,因為周圍都冇開. 今次再嚟,感覺已經唔同,可能同一大班食友一齊,都係去食餐飯咁簡單. 反而係見到一班老伙計今晚就忙忙碌碌,下個月就唔再係呢個老地方上班,對佢地嚟講感覺更強烈. 今晚我個人覺得水準唔錯,大家都食得開心. 仲同老闆影咗張相留念!! 總算係一個集體回憶.

蜜汁叉燒伴海蜇 - 叉燒意外地好瘦,最合我意. (閱讀全文)

留言(1) | 引用(0)

COVA Ristorante & Caffe - 九龍塘

胃食妹ET | 18-Nov-09, 1:32 PM | 飲飲食食 - 九龍塘 | (425 Reads)

好友請我食生日飯,但因為我晚飯時間已經差不多全滿,而好友又剛好老細外出,所以佢可以放個long lunch. 對COVA一直冇咩好感,因為佢甜品太多,完全唔合我胃口,不過見朋友食過佢新推出light lunch又即管試試. 但又一城COVA位置真係唔好,佢就係城大同又一城之間行人自動電梯底. 一到午飯時間,人來人往,完全同COVA高級格調唔配合. 食物,服務都唔錯,不過要坐係電梯底下食飯我就唔太鍾意. lunch後同事仲同我講話坐電梯去城大時到我頭頂.....@@

新出menu$88一位,但可加錢轉款.

(閱讀全文)

留言(0) | 引用(0)

六國酒店粵軒 - 灣仔

胃食妹ET | 17-Nov-09, 1:37 PM | 飲飲食食 - 灣仔 | (388 Reads)

好耐冇見好友生日,約佢食餐生日飯. 但佢又要好夜先收工,只好搵間近佢,等佢放工立即飛嚟,唔使我地等太耐. 有熟人係度打點,當然唔錯啦!! 呢度食飯的確係一個好地方. 多謝哎呀阿妹,我搭單有得食埋我嘅生日飯!! 嘻嘻!!

兩碟小食已經夠我地等人時享用

(閱讀全文)

留言(2) | 引用(0)

伊呂波燒肉 - 尖沙咀

胃食妹ET | 15-Nov-09, 5:25 PM | 飲飲食食 - 尖沙咀 | (481 Reads)

伊呂波好多朋友都去過,但偏偏我同好友都未去過. 其中一次當然係要講番我約咗靚女,但係去錯地方呢件瘀事啦!! 足足俾靚女話咗我幾年! 好彩今次無風無浪去得成! 食咗個拼盤,另加其他嘢. 都係牛舌最好食!

特上肉拼盤

(閱讀全文)

留言(1) | 引用(0)

南台灣原味新館 - 紅磡

胃食妹ET | 13-Nov-09, 2:20 AM | 飲飲食食 - 紅磡 | (452 Reads)

本來想帶哎呀阿妹去欣葉食吓台灣菜,點知佢執咗. 上Openrice剛巧睇到素素豬呢個食評,似乎都幾地道台灣菜,咁就帶埋另一位台灣同事一齊去試試.

老闆娘係台南人,所以食品都係台南菜為主,廚師都係由台灣請返嚟. 不過份量少得誇張,而價錢又唔係平. 老闆娘見有同鄉係度招呼都幾熱情. 原來佢係香港二十幾件,做出入口生意,就係佢餐廳用嘅餐具. 所以以佢一個生意人,而家做食肆價錢貴,份量少都唔奇怪. 兩位台灣妹妹都話味道係幾正宗,不過真係少囉!!!

走時送咗兩款杯墊....只係俾兩位台灣妹囉......好似唔夠大方喎!!!